వరిగలు ( Proso Millet )

తృణధాన్యాలతో సంపూర్ణ ఆరోగ్యం ( 10 ).

వరిగలు ( Proso Millet ) .

       భారత దేశంలో విరివిగా వీటిని పండిస్తారు.  ఉత్తర భారత దేశంలో , ఎత్తైన గిరిజన ప్రాంతాలలో వర్షాధార పంటగా పండిస్తారు . చైనాలో 7,000 సంవత్సరాల నుండి ఈ వరిగలను పండిస్తున్నారు . ప్రస్తుతం మనదేశంలో , శ్రీ లంకలో , రష్యా , మిడిల్ ఈష్ట్ దేశాలలో , టర్కీ , రుమేనియా , అమెరికా మొదలగు దేశాలలో విరివిరిగా పండిస్తున్నారు . కాని ఈ వరిగలను ఎక్కువ గా పక్షులకు ఆహారంగా వాడుతున్నారు. ఈ వరిగలల్లో గ్లూటెన్ అనే పదార్థం వుండదు . గోధుమలు వాడని వారికి ఈ వరిగలు సరైన ఆహారం. ఈ వరిగలు తియ్యగా మరియు వగరు కలిగి ఉంటాయి .

పోషకాలు : -

       చిరుధాన్యాలలో కెల్ల వరిగలలో ఎక్కువ మోతాదులో మాంసకృతులు ( ప్రోటీన్స్ ) ఉంటాయి . పుష్కలంగా లిసితిన్ , ఆమినో ఆమ్లాలు , కార్బోహైడ్రేట్లు , ఫ్యాటి ఆసిడ్స్ , ఫాస్పరస్ , మాంగనీస్ , మెగ్నీషియమ్ మొదలగునవి కలవు .

ఆరోగ్య ప్రయోజనాలు : -

1 . వరిగలను క్రమం తప్పకుండా తింటే పోషక లోపాన్ని దూరంగా ఉంచొచ్చు . వయసుతో పాటు వచ్చే సమస్యలతో పాటు త్వరగా వృద్దాప్యం బారిన పడకుండానూ చూసుకోవచ్చు .

2 . వరిగలో లిసితిన్ పుష్కలంగా ఉండటం వలన నరాలు బలంగా పటుత్వం కలిగి ఉంటాయి .

3 . నియాసిన్ అనే పదార్థం వలన చర్మ సంబంధమైన వ్యాధులన్నియు తగ్గి పోవును.

4 . వరిగలలో అమినో ఆమ్లాలు ఉండుట వలన ఆరోగ్యకరమైన కణజలాల నిర్మాణానికి దోహద పడుతుంది .

5 . ఎముకల పటుత్వానికి , హృదయ రోగాలకి , క్యాన్సర్ లాంటి వ్యాధులకు , చిన్న పేగులలో తలెత్తే సమస్యలకు , పిత్తాశయంలో రాళ్లు ఏర్పడకుండా ఉండటానికి చాలా మంచి పోషక ఆహారం .

గ్లూటెన్ గురించి ....

       గ్లూటెన్ అనేది జిగురుగా వుండే ప్రోటీన్ పదార్థం . ఇది గోధుమ , మైదాలలో అధికంగా వుంటుంది . గ్లూటెన్ ఉండటం వల్ల పదార్ధాలకు సాగే గుణం కలిగి వుండి , జిగురు తత్వం కలిగి వుంటాయి . దీన్ని అధికంగా తీసుకోవడం వల్ల అజీరణం , గ్యాస్ట్రిక్ ట్రబుల్ , కీళ్ళ వాతం , ఎసిడిటీ , మలబద్దకం , అతిసారం , చర్మవ్యాధులు , ఊబకాయం , అల్సర్ , త్వరగా అలసి పోవడం , మత్తుగా వుండటం , మైగ్రేన్ లాంటి సమస్యలు తలెత్తుతాయి . ఇందుకు గ్లూటెన్ లేని చిరుధాన్యాలను ఆహారంగా తీసుకోవటమే పరిష్కారం .

"చిరుధాన్యాలు సంపూర్ణ ఆహారం"

సేకరణ.

రాజేష్ ,
బాలాజి స్వస్తిక్ స్వదేశి స్టోర్స్ ,
కర్నూలు .
Cell. 99894  91922 .