ఆయుర్వేద శాస్త్రం బెల్లంకు ప్రాధాన్యం ఇస్తుంది. బెల్లం ఔషధాల గని. పాతతరంలో బెల్లం వాడకం బాగుండేది. బెల్లంతోనే పలు రకాల తిండి పదార్ధాలను వండేవారు. ఇప్పుడు ప్రతి దానికీ పంచదార వాడడం వల్ల బలవర్ధకమైన పదార్ధాన్ని కోల్పోతున్నాం. చక్కెర వల్ల పలు దుష్పృభావాలు పొడచూపు తున్నాయి.
చెరకు నుండి బెల్లం తయారు చేస్తారు. చెరకు రసాన్ని పరిశోధిస్తే ఫాస్ఫరస్ ఎక్కువ లేదు. చెరకు రసంను వేడి చేసి బెల్లంగా మార్చినప్పుడు ఫాస్ఫరస్ అత్యధికంగా ఉన్నది.
బజారులో తెల్లగా ఉన్న బెల్లం దొరుకుతుంది. బెల్లం ఎంత తెల్లగా ఉంటే అది అంత విషం. ఎందుకంటే బెల్లంలోని తెల్లదనానికి కారణం వాషింగ్ పౌడర్. ఎంత ఎక్కువగా వాషింగ్ పౌడర్ వాడితే బెల్లం అంత ఎక్కువ తెల్లగా వస్తుంది. ఇది చాలా ప్రమాదకరం. అసలు తినకూడదు. బెల్లం యొక్క అసలు రంగు చాక్లెట్ కలర్ లో ఉంటుంది. " రాగి " రంగులో ఉండే బెల్లం శ్రేష్టమైనది. దీనినే మీరు ప్రతి రోజు ఉపయోగించుకోండి.
ప్రతి రోజూ చిన్న బెల్లం ముక్క తినడం మంచిది. ఇది జీర్ణ శక్తిని పెంపొదిస్తుంది. బెల్లంలో ఇనుము అధికం , తద్వారా హిమగ్లోబిన్ వృద్ది చెందుతుంది. శరీరంలోని మలినాలను తొలగిస్తుంది. మైగ్రేన్ కు చక్కటి విరుగుడు బెల్లం. అధిక బరువును తగ్గిస్తుంది ఈ బెల్లం. మీరు రోజు ఏదో ఒక రూపంలో కొంచెమైనా బెల్లం తీసుకుంటే మంచిది.
పాలు త్రాగి బెల్లాన్ని తినవచ్చు లేదా బెల్లాన్ని తిని పాలు త్రాగవచ్చు. పాలతో బెల్లాన్ని కలిపి వాడకూడదు. పెరుగుతో బెల్లాన్ని కలిపి తినండి. ఇది చాలా గొప్ప ఆహారం. నువ్వులు బెల్లం కలిపి ఉండ చేసుకుని తినండి. వేరుశనగ గుళ్ళు బెల్లం కలిపి పప్పుండ చేసుకొని తినండి. దీని వల్ల కడుపులోని ఆమ్లాలు శాంతిస్తాయి.
No comments:
Post a Comment